هل نحتاج للـ Meditation في حياتنا؟ 🍃 - تأملات

Friday, September 29, 2017

في رحلتي لتطوير نفسي تعلمت أشياء كثير جديدة وأدخلتها على نمط حياتي، كلها أشياء تساعدني أكون النسخة الأفضل من نفسي..
ومن الأمور اللي طحت فيها مؤخرًا وصرت أقرا عنها الكثير هو Meditation 



قرأت عن مصطلح المديتيشن لأول مرة في مجال اليوقا وارتبط في ذهني مع جلسة اللوتس والعزلة الذهنية، وسمعت عنه كثييير وكيف إنه أغلب الناجحين والمبدعين في الحياة كانوا يمارسون الميدتيشن وكيف إنها تعد أحد أسرارهم في الحياة. شدني الموضوع كثير مرره وصرت أقرأ عن أصله ومصدره.. اكتشفت إنه بالأساس جا من الديانة البوذية. فقد يشبه البوذيين العقل بالقرد المستلج ، شفتم لمن يكون هالقرد المستلج سكران؟  وفوقها لاقصته عقرب؟  بيصير طرطيعة ما يهجد 💥 فكانت فكرتهم في الميدتيشن انهم يسيطرون على هذا القرد -العقل- ويساعدونه على الاسترخاء والتركيز.. بهاذي البساطة!
لكن بعيدًا عن الديانة البوذية؛ وجدت إن في الغرب كثيير أشخاص صاروا يمارسونها -بدون إعتقاد ديني طبعًا- ولاحظوا التأثير على المستوى الصحي والنفسي والإجتماعي كمان!
ففكرة إنك تجلس بشكل مستقيم في مكان هادي لمدة لا تقل على ربع ساعة مغمض العينين وبنفس منتظم وبذهن خالي تمامًا من الأفكار.. هالشي يعتبر تحدي للنفس وتقويم لها.. يقولون إن بعد ما تمارس المديشن يوميًا بدون انقطاع أبدًأ أبدًا (يعني حتى بيوم سفرك، يوم طلاقك، وانتي منومة بالمستشفى ما تقطعين) إن الشخص يصير عنده قوة في الإرادة والعزيمة، ويصير يعرف يسيطر تمامًا على مشاعره ورغباته وكذلك غرائزه، كمان يقولون لمن انت تساعد مخك على التركيز في حواسك وتجرده من الأفكار راح ينمي حواسك الخمس وكمان المهارات العقلية عند الشخص..

لكن في عمق قراءتي وبحثي في هالموضوع، قرأت عن أفضل الأوقات اللي الشخص يمارس فيها الميدتيشن.. وكان الجواب إنه أفضل وقت هو من الساعة 4 إلى 5 الفجر..... بس لمن قريت هالجملة وقفت شويا 
استوعبت إنه هذا هو وقت صلاة الفجر!
هنا بالضبط في هاللحظة أحس مخي انفتحت فيه أبوااااااااااااااااب كثيرة 
 وقمت أربط الفوائد إللي أبهرتني عن المديتشن بالصلاة، وقمت أسترجع في ذاكرتي فوائد الصلاة وتأثيرها عالشخص.. يالله!

وقمت أتخيل أدق التفاصيل إللي نسويها بالصلاة وأربطها بالفوائد اللي كانوا يشيدون فيها ممارسي المديتيشن 
صدق يعني بالبداية ربي أمرنا نتوضى + يوميًا + خمس مرات + بطريقة معينة + بترتيب معين.. ولأعضاء محددة بس..
عن عمرو بن عبسة السلمي أنه سأل النبي صلى الله عليه وسلم: "يا نبي الله، فالوضوء حدثني عنه؟ قال: ما منكم رجل يقرب وضوءه فيتمضمض ويستنشق فينتثر إلا خرت خطايا وجهه وفيه وخياشيمه، ثم إذا غسل وجهه كما أمره الله إلا خرت خطايا وجهه من أطراف لحيته مع الماء، ثم يغسل يديه إلى المرفقين إلا خرت خطايا يديه من أنامله مع الماء، ثم يمسح رأسه إلا خرت خطايا رأسه من أطراف شعره مع الماء، ثم يغسل قدميه إلى الكعبين إلا خرت خطايا رجليه من أنامله مع الماء، فإن هو قام فصلى فحمد الله وأثنى عليه ومجده بالذي هو له أهل وفرغ قلبه لله إلا انصرف من خطيئته كهيئته يوم ولدته أمه"
يعني فوق شعور نظافة الجسد؛ يجيك شعور نظافة القلب من المعاصي والذنوب قبل ما تقبل على ربك للصلاة، طب ممكن يكون إستشعار الشخص للذنوب وهي تنزل مع الوضوء هي نفسها الطاقة السالبة إللي يتكلمون عنها علماء الطاقة!؟
أوقات الصلاة.. قبل الشروق، وقت الزوال، قبل الغروب، بعد الغروب وفي الليل.. ليش هاذي الأوقات بالذات؟ ويحرم تأخير الصلاة عنها.. حتى في الجمع، ليه فيه صلوات تجمع مع صلوات معينة دون الأخرى؟ أكيد لتوقيت الصلاة إعجاز علمي!
توجًّهنا بأجسامنا نحو القبلة -على وجه الخصوص-  والوقوف بشكل مستقيم -وفي صلاة الجماعة: صفوف متقاربين- مع وجوب الخشوع أثناء تأدية الصلوات وطرد كل الأفكار الملهية والتركيز في التلاوة والدعاء واستشعار أنك أمام الله وقتها يدخل الجسم في حالة سكون وسلام بالذات لمن تنسجم مع حركات الجسم بسلاسة كما أخبرنا عنها معلمنا محمد صلى الله عليه وسلم:
"إذا قمت إلى الصلاة فأسبغ الوضوء، ثم استقبل القبلة فكبر، ثم اقرأ بما تيسر معك من القرآن، ثم اركع حتى تطمئن راكعا، ثم ارفع حتى تستوي قائما، ثم اسجد حتى تطمئن ساجدا، ثم ارفع حتى تطمئن جالسا، ثم اسجد حتى تطمئن ساجدا، ثم ارفع حتى تطمئن جالسا، ثم افعل ذلك في صلاتك كلها. "
دائمًا تكرار الكلمات في القرآن والأحاديث على وجه الخصوص ترا ما يجي عبث وبشكل عشوائي! يعني صفة الإطمئنان والتأنِّ في تأدية الأركان واجبة حتى يحدث الخشوع .. تحسسك باللي قاعدة تسوينه بالضبط..


*لحظة تأمل*


يالله

لمن وحدة تعطيك طريقة تساعد إنها تنحفك، وتقول لازم تلتزمين عليها بدقة.. استخدمي المنتج الفلاني في الساعة الفلانية وسوي هاذي الرياضة لمدة كذا كذا كذا صدقيني راح تشوفين خلال اسبوعين النتيجة بأم عينك! << اللي بيحصل إنك راح تكونين حريصة في تطبيق الكلام بأدق التفاصيل وانتي عندك إيمان تااام بإنك راح تشوفين النتيجة على طول، راح تحسين بتأثير كل خطوة سويتيها على جسمك! وفعلًا راح تندهشين لمن تشوفين النتيجة الموعودة إنتي فيها خلال هالمدة 

لمن يتكلمون عن الميدتيشن وتكنيكاته ابتداءًا من طريقة الجلوس بظهر مستقيم والإنصات لصوت الهواء اللي تتنفسينه ويقولون لك وإنك فورًا راح تحسين براحة وتحسين عقلك ينفصل عن العالم الخارجي وهالشي يحسن من طريقة تفكيرك ويعطيك قوة في الإرادة وتعطيك شعور بالإيجابية، فعلًا لمن يكون تركيزك على البحث على هاذي النتائج في نفسك بعد ما تكونين سويتي كل شي بالضبببط راح تكونين مبهورة بالنتيجة وراح تكملين على المدتيشن لأنه فعلًا تمرين خارق حسب آراء البعض! 

طيب لمن اللي خلقك ويعرف عن كل خلية بجسمك كيف تشكلت -تبارك الله وتعالى- يقول لك توضي بالطريقة هاذي وصلي بالأوقات اللي محددها وبعدد الركعات المعينة وبطريقة هادية وبتركيز وخشوع وتأنِّ، واستشعري إني أسمعك وأراك وأشعر فيك وباحتياجاتك واطلبيني إللي تبغين خلال صلاتك، تواصلي فيها معاي.. راح تشوفين نتائج مبهرة، راح تبعدك صلاتك عن الفحش والمنكرات راح تخلي منك إنسان نظيف ومستقيم ونظرتك للأمور سويّة راح تكون إيجابي ويجتاحك شعور جميل من الإطمئنان والسلام اللي بتعكس حتى على طاقتك وصحتك الجسدية.. ومن كثر الأشياء اللي راح تضيف لك إياها الصلاة راح تدمن عليها وراح تتعب إذا ما قدرت تأديها لأي ظرف! هالصلاة مفيدة لك فوق ما تتخيل، جسمك وعقلك وروحك ونفسك تحتاجها مررره لازم تأديها، ظروري وواجب عليك تأديها عشان تكون إنسان سليم!
 لو فعلًا نأديها بكل واجباتها وسننها راح نشوف النتائج على نفسنا وحياتنا في وقت قياسي.. 

وراح نصرف النظر عن الميدتيشن واللي اخترعوا المدتيشن 





بدون خاتمة!
فوتتكوا بعافية 
_____________________________

🎀

         
  •          
  •          
  •          
  •          
  •      





3 comments:

  1. تدوينة جميلة روان برافو عليكي

    ReplyDelete
    Replies
    1. يسعدك ربي كلك ذوق هاجر 💗

      Delete
  2. حبيبتي اخترت مدونتك للمشاركة في ايفنت "The Blogger Recognition Award"الرابط من هنا:
    http://antiniaama.blogspot.com/2017/10/blogger-recognition-award.html

    ReplyDelete

Top