How to convert video to GIF picture | كيف نحول الفيديو إلى صورة GIF 📷

Tuesday, November 1, 2016


السلام عليكم والرحمة 🍁

من أيام ما كنت طايحة عالتمبلر وصور الجي آي إف تأسر قلبي ببساطتها والحياة إللي فيها + إنها ما تتوقف 😤 زي التحفة الفنية هاذي اللي فوق! << لو تشوفوني وقتها ودي أخمم كل الورق وأنثره فوقي من جماله 🎉🎉 بس الحمدلله إني أستحي! 👀
وعاد تخيلوا جمال إستخدام صور الجي آي إف في التدوين بالذات لو كان الموضوع لـ (DIY أو طبخ  أو أي شيء فيه شرح خطوات)!! 😍😍 ما تاخذ وقت في التحميل زي الفيديو + بإمكان القارئ استخدام الصورة وحفظها زي أي صورة <<عشان كذا حطوا حقوقكم عليها ☝

في هذا الموضوع بأشرح لكم طريقة تحولون فيها أي فيديو عندك إلى صورة GIF باستخدام برنامج الفوتوشوب ✨



نبدأ بالخطوات 🎌

نفتح برنامج الفوتوشوب << مع الحرص إن ما يكون فيه كثير برامج شغّالة عشان ما يزعل علينا الفوتوشوب بالذات في هاذي العملية 💉



نضغط على File .. بعدين Import .. بعدين Video Frames to Layers 

بعدها بتفتح لنا نافذة نختار منها الفيديو إللي نبغا نحوله صورة.. 🆒
بعدين بيفتح لنا هاذي النافذة ... مهمممة جدًا ركزوا فيهاا!


أول وأهم شي لازم نسويه: نحط تشيك على المربع الأخير اللي باليسار "Make Frame Animation"
لأنه أثناء ما كنت أجرب نسيت أحط تشيك عليه وانحاس علي كل شي حرفيًا 👻

وفيه نقطة مهم كمان نركز عليها، إللي هي طول المقطع.. طبعًا كل ما كان المقطع طويل كل ما ساءت جودته وصعب التعامل معاه على الفوتوشوب ويقعد يعلق وكيذا والعكس صحيح، عشان كذا نحاول قد ما نقدر إننا نحدد من هاذي النافذة الجزئية اللي نرغب في التعامل معاها فقط 👌 يعني (نقص المختصر المفيد)

بعدين نضغط على زر OK
.....

هنا بيتحوّل لنا المقطع إلى لايرز (طبقات كثيرة)

والمفترض  لمن نسوي الخطوات صح بتطلع لنا اللايرز كلها مقفلة ( مغمضة عيونها) ما عدا أول وحدة <<هي بتتصلح أوتوماتيك لو ما طلعت معاكي كذا بنفسها لازم تعيدين الخطوات 😁

طب سؤال!
- وإذا ودي أحط اللوقو حقي في الجي آي إف.. كيف؟  👼
- بس حطيه في آآآخر لاير أو طبقة 👍

- 👀 طيب يا روان لو مثلًا المقطع إللي أنا استخدمته طويل شكلًا وأنا ودي أقصره بححيث يصير مربع مثلًا.. هل ينفع؟
- إيواا، ببساطة سوي Crop من شريط الأدوات اللي عاليسار عادي زي أي صوره تقصينها، وهو بيتنفذ أوتوماتيكلي على كل اللايرز  🙋



طريقة الحفظ: برضو ندخل على File.. بعدين Export.. بعدين نضغط على Save for web (Legacy)

وبتفتح لنا نافذة زي كذا 


شفتوا عاليمين تحت مكتوب Image Size..
بيكون الPercentage 100% بس أنصحكم تخلونه 50% أو أقل..

ليش؟
لأن الفيديو حجمه مره كبييرر ولو خليتيه بنفس الحجم بتقل الجودة كثييييرر وبيصير معاك يقطع زي ما صار معايا بهاذي الصورة 


<< أصلًا طووولت معايا عشان أرفعها هنا 😵 معليش على التلوث البصري صايرة تبرق وترعد مع إن ألوانها أقل من غيرها ⚡ 

وووبس،، لمن نغير البيرسنتج بتصير الصورة أصغر بس أوضح وأدق وما تقطع زي إللي فوق  😿
وبعدين نحط Save... وببسس!!!

مره الخطوات بسيطة بس أقولكم الصدق تراها تاخذ وقت في البداية 🐫 وبيطوّل الفوتوشوب إلين يسوي بروسس لها بس مرره النتيجة تسوووى 😍😍😍

وهاذي  بعض مقاطع الفيديو عشوائية أخذتها من السناب تشات وحولتها GIF
👏






ااففف يااربي طاحت سعابيلي 😒💦



🎏



أخيرًا .. إنتي!.. إيوا إنتي أتمنى تكونين استفدتي من الموضوع، وإذا تعرفين أحد يهتم بهالشغلات أرسلي له رابط التدوينة خل نستفيد 😸✌

وووفتتكوا بعافية 👾🎶


6 comments:

  1. شكراً روان اللطيفة على التدوينة
    مررة حبيت شرحك و أسلوبك
    < تفكر تطبقها بتدوينتها الجاية

    ReplyDelete
    Replies
    1. ربي يسعدك زينب من ذوقك 💓
      أعطسنا خبر إذا طبقتيها،، مرره متحممسة 😍

      Delete
  2. تدوينة مفيدة مرة
    شكرًا روان، بالذات إني استخدم Gifs
    والجودة تكون ضعيفة لأني أسويها بطريقة ثانية
    شكرًا مرة ثانية.
    خديجة

    ReplyDelete
    Replies
    1. أهلًا وسهلا فيك خديجة ❣ أسعدني إنك استفدتي..
      وفعلًا أكثر شي يبهرني في تدويناتك هو استخدامك للGIFFs
      🔮

      Delete
  3. شكراً روان ع التدوينة الجميلة يت ف وقتها ان شاءالله بستخدم هذي
    الطريقة في البوست القادم، بتخدم البوست جداً💕

    ReplyDelete
    Replies
    1. انتي مبدعة بجد تبارك الرحمن ✨
      أتطلع لإبداعاتك في التدوينة القادمة 💟

      Delete

Top