ماسك سريع بعد الشاور 🍃💆

Wednesday, October 12, 2016
قرار لشاور سريع ☄
وقرار سريع بعد الشاور السريع لوضع ماسك سريع، ايش ينتج عنهاااا؟ 
مااااووضوووع ساااررريييع << بصوت جماعي لطالبات 🌝

بالضبط هوا كذا موضوع هالبوست، باقول لكم قصته اوكي 👏 يلاا تجهزوا 🎤
كان يا ما كان كنت جالسه الساعه 2 الظهر عالانستقرام .. امم.. اوكي كنت منسدحه عالكنبه مو جالسه << متخيلين حالة الكسل 🛀
وقاعدة أدخل من حساب لحساب أبغا أتعرف على مدونات جدد كذا أبغا أشوف أشياء تفتح النفس 🌸🙄
وفجأة أقرر أقوم 

وأقرر أترك الجوال وأقوم آخذ شاور سريع خليه يصحصحني وأقرر أكون رايقة اليوم! وأستحم بمويا داافية ♨ 
بعدين فجأة أقرر أحط ماسك << قلت خل بشرتي تصحصح معايا ☁

وأطلع العدة 




ماسك النعناع من  Queen Helene: 
بنظف البشرة والمسامات بعمممق ويشد البشرة وينقيها ويوعدك بإزالة الرؤوس السوداء مع الاستخدام  وبما إنه من خلاصة النعناع فتخيلوا كيف شعور البشرة وهي تتنفس 🍃😍

طبعا هذا الماسك أحلى نتيجة يعطيها للبشرة الدهنية، لأنه ينظف المسامات -زي ما قلت فوق- ويجفف الحبوب أو البثور 

 تحذير: الماسك حطي منه طبقة خفيفة بفرشه ويقعد عالوجه من 5 إلى 10 دقايق بسسس وإلا ينششف وجهك  🙅<< وأكيد هذا آخر شعور تتمنين تحسين فيه 

بس ما إنه بشرتي عادية ماهي دهنية خفت إنه ينشفها بزيادة << عااد أنا أكره شعووور لمن بشرة وجهي تصير حراشف بالذات مع البرد هالأيام في سياتل 😫😫 الله لا يوريكم
عشان كذا بعد ما شطفت وجهي بمويا دافيه ونشفته، استخدمت ال E oil
 أو زيت الفيتامين إي.. هذا الإختراع الخرافي هو عبارة عن فيتامين إي صافي.. يعني بدال ما تستخدمين كريمات وصوابين فرحانة إنها تحتوي على فيتامين إي؛ هذا الزيت يختصر لك أبو الدنيا، وأنا شخصيا إذا بغيت أتفلسف أخلط كم نقطه منه على مستحضرات البشرة 😍
 ترطيب عميق + فوائد أكبر.
 💧💧💧 طبعا أخذت من الزيت نقط
  بالضبط كذا لأنه ثقيييييل مرره ويدبببق، حطيت منه حول عيني من تحت وبرا وعلى الجبين وعلى خطوط الابتسامة وحول الفم <<يعني عالأماكن إللي تتجعد بسرعة أحاول أبقيها رطبة دائما ☁ << تخيلوا هاذي مارشميللوز 
ما أدهن الزيت لأنه ثقيل زي ما قلت وأتخيل جلدي يتمطط عشان كذا أحسن شي الطبطبة~ تطبطبين عالمكان بالزيت << هنا استفدنا من قوامه الثقيل لأن هالحركة مو بس تخلي البشرة تمتص الفوائد أسرع! كمان تحرك الدورة الدموية في المكان ويصير الدم ينقل  😂😂الأكسجين في خلايا هالمنطقة << فهمتوا يا بتوع المدارس يا متعلمين 

طيب وباقي وجهي وخدودي المسكينه؟
 أوزع نقط بأطراف أصابعي على كل وجهي من كريم الكولاجين من MASON natural
تذكرون لمن بدأت هبة الكولاجين والبشرة كيف الناس طاحت على هالكريم فترة وصاروا التاجرات يبيعونه بأسعار ناريه! وبعد فترة
 قالوا إنه يجيب السرطان 😂 المهم بأقول لكم شغلة بخصوص الكولاجين وهالكريم بشكل خاص..
الكولاجين هي مادة مخلوقة بالأساس بنفس البشرة وتقل كل ما كبرنا بالعمر وإنه قلتها هي اللي تسبب الشيخوخه وبلا بلا بلا بلا 💭💭💭
نقدر نرجع نحفز الجسم بانتاج الكولاجين بالديرما رولر <<ورح أتكلم عن هالآداة في بوست مستقل يومًا ما.
وممكن نتناول الكولاجين كشراب أو كبسولات أو حلاوة مضغ ( Gummies ) بس نتيجتها تطلع عالمدا الطووووووووووووويييلللللل حسب كلام البعض، وفيه دكاترة قالوا إن الكولاجين ما راح يجيب نتيجة إذا كان الاستخدام خارجي يعني زي كريم أو زيت و كذا << كل هاذي مقدمه على هذا الكريم عشان ماحد يحكم 🔕
سووو! يمكن هالكريم ما يمد بشرتك بالكولاجين بالصورة المطلوبة، لكن يبقى بالنسبة لي كريم ترطيب رائع للوجه وريحته حلوة وسعره كمان حلو عشان كذا أنا ما زلت أستخدمه وإذا خلص بأشريه مره ثانيه 🐋

*رابط شراء كل هالمنتجات من آيهيرب بيكون في آخر الموضوع*

لذلك تكفوووون فكوونا من العقد والإشاعات وهذا الكريم يجيب السرطان كأنه خلطة أم عبدالله ما وراها تراخيص  😖  إذا فيه شيء ما انتم متأكدين من مصدره ابححثثوووا عن صحة الخبر GOOGLE IT !
ترا أبدا مو كفاية إنك تسمعين المعلومة من وحده انتي تثقين فيها.. مرره عادي تسألينها من فين عرفتي المعلومه! وخذي وخلّي!


ااه شطحت..


😇
 المهم
بما إن الشاور كان سريع وفكرة الماسك كانت سريعة وسالفة إني أكتب بوست كان كمان قرار سريع << ترا حتى الصوره حطيت ديكوريشن والتقطتها بسرعه 🍁😂 ... كل هذا ونسيت أمشط شعري << لو نشف وأنا لسى ما مشطته ياا ويلكم!!
أبغا أكمل تدليعي وبأحط سيروم على شعري 🐎 << يعني ذيل حصان وكيذا


اييه لحظه!
ترا آيهيرب صار بالعربي! وعلى فكره تراه يوصل دايركت للسعودية!
وعلى فكرة! ههههههههه ترا لمن تصير مقاضيك فوق 150 ريال يصير سعر الشحن أقل! 😍😍 أحب لكم ما أحب لنفسي وأعلمكم أسرار المهنة بما إني كنت أطلب لكثير ناس من آيهيرب >> عاد ادخلوا الموقع وشوفوا الأسعاار وخققققوووا 😻😻

ماسك النعناع من  Queen Helene
زيت فيتامين إي E Oil
كريم الكولاجين من MASON natural





وو يلاا فوتتكووا بعافية 🦄🍥



0 comments:

Post a Comment

Top